Homemade Beauty Tips for Hands and Feet Care in Urdu/ Hindi

Chehray ko haseen bnanay k liye khawateen bohut say totkay aur nuskhay istemaal kerti nazer aati hain. Mager haseen chehray k sath baddsoorat hath aur paaon (hands and feet) hon tou apki sari khobsoorti maand per jati hai. Iss liye haath aur ppaaon (hands and feet) ki khobsoorti per bhi utni he tawajjah daini chahiye jitna k aap apnay chehray ki khoobsoorti k liye kerti hain.

Hands and Feet Care and Fairness Tips:

Dahi say Hath aur Paaon ki Hifazat:

Khushk haath aur dead skin kisi bhi larki ka khawab nahi hota. Apnay haathoon ko khooobsoorat aur haseen bnana aik nuhayat mushkil kaam ha imager dahi is kaam ko asaan bna daita hai.

  • Sirf dahi ko lain aur isko apnay haathoon per laga lain. Baqi ka kaam dahi khud ker lay ga kiyun k iss mein qudrati taur per aisi khoobiyaan paai jati hain jo k apkay hath aur jild ko haseen bnatay hain.
  • Dahi mein aik leemoon ka rus mila ker isko 30 minutes k liye fridge mein rakh dain. Aur phir iska massage karain. Kuch dair massage k baad hath aur nakhun(nails) dho lain aur haath khushk ker lain. Ap note karain gi k apkay hath aur nakhun naram o mulaaim aur chamakdaar ho gaye hain. Dahi mein maujood proteins apkay nakhun ki growth k liye bohut faida mund hai. Yehi tareeqa ap apnay paaon ki hifazat k liye bhi istemaal ker sakti hain. Ager apkay paaon ki jild phati hoi hai tou simple dahi istemaal kerna behter hai.

Paaon (Feet) Ki Hifazat K Liye Tips:

  • Daliya aur zaitoon ka tail lain aur inko mix ker lain. 5 minute k liye paaon per massage karain aur dho lain.
  • Shakker(brown sugar), shehed, lemoon ka rus aur badaam ya zaitoon ka tail lain aur in sub ko achi terha mix ker k paste tayyar ker lain. Aur paaon per circles mein massage karain aur neem garam paani say dho lain.
  • Samandri namak, thanda paani, lavender oil lain aur aik paste tayyar ker lain. Aur paaon pe laga ker massage karain aur kuch dair mein dho lain.
  • 5 litre paani aur kuch drops lavender oil mila lain, samadri namak shamil karain aur apnay paaon dbo ker kuch dair k liye baith jain. Kuch dair baaad paon dho lain.
  • Badaam ya zaitoon ka tail lain aur is mein makkhhan aur shehed mila lain. Ab is mein vitamin E k capsule mila lain aur iss mask ko paoon per laga lain. Cotton k mozay(socks) pehan lain aur so jain. Subah  uth ker mozay urain aur paaon neeem garam paani say dho lain.
  • Baking ka soda lain aur iss mein koi bhi essential oil shamil ker dain. Aur achi terha mix ker lain. Apnay jootay mein yeh powder chirak dain aur raat bhar k liye choor dain. Baking soday ki wajha say jootay ki badboo dor ho jaye gi. Is say apkay jootay mein maujood bacteria bhi khatum ho jain gay aur apkay paaon infection say bach jain gay.
  • Multani mitti lain aur iss mein chambeili ka tail mila lain aur haldi powder, neem k khush pattoon ka powder aur garam paani mein mila ker paste tayyar ker lain.. 20 say 25 minute tuk paaon aur haath per laga lain aur dho lain. Is k baad zaitoon k tail say massage ker lain aur khobsoorat haath aur paaon hasil karain jo k aap hamesha say chahti hain!

Yeh tamaam beauty tips haathoon ki khooobsorti k liye bhi istemaal kiye jatay hain. Mager yaad rahay hathoon ki jild qadray nazuk hoti hai iss liye ahista say massage karain aur khoobsoorat hath aur paoon paain.

Categories :

Comments are closed.

Translate »