Tips for Beautiful Skin in Urdu / Hindi

Khoobsoorat nazer aana her insaan ka haq bhi hai aur khawahish bhi. Ziada ter khawateen khoobsoorat nazer anay kay liye hazar jatan kerti hain, beauty salons jati hain aur ghar per bhi bay shumaar totkay aur tareeqay apnati hain. Purana zamana ho ya aaj kal ka daur, khawateen na sirf beauty salons aur beauty experts ka sahara laiti hain balkay gharailoo totkay bhi aazmaati hain. Gharailoo totkay aur tips aazmooda aur asaan honay ki wajha say bohut si khawateen inka istemaal kerti hain. Iss choti si tehreer ka maqsad bhi aisay he asaan aur mufeed tips aur totkay aap say share kerna hai taa kay aap apni jild ko khoobsoorat aur tar o taza bna sakain. Zail mein aisay he totkay darj kiye jaa rahay hain. Umeed hai aap faida hasil karain gi.

  • Rang gora kerny kay liye gajar ka mask behtreen hai. Aap gajar ka juice nikal lain. Aur usko fridge main thanda hony kay liye rakh dain. Jab mukmmal thanda ho jaye tou roi ki mdad se chehray par lgain. Rozana din main 3 martba ye aml karnay se apki  rangat nikhre nikhre nazr aye ge.
  • Aagr apki jild khushk hai to apko pareshan honay ki bilkul bhi zarorat nahi hai. 1 anda lain, iski sufaidi main lemon kay chand qatray mila kay achi terah phaint lain,aur chehry par 10 minute kay liye laga rehnay dain. Darmiyan main aap baat bilkul bhi na Karen. Kiyun kay andy ka ameza lganay say jild bilkul aakar jati hai. Aur baat kernay se aap kay chehray per jhuriyaan par sakti hain. Jub amaiza apkay chehray par khushk ho jaye phir jild ko dho lain khushki door ho jae gi.
  • Multani mitti,haldi aur 3 qatray zaitoon kay tail(oil) kay mila ker 15 minute chehray per lagain. Iss say khushki ka door door tuk nam o nishaan bhi nahi rahay ga.
  • Aagr apki jild chikni hai tou  tamatar ka gooda nikal ker uska chehray per lagain. Aur ager apki jild khushk hai tou raat ko sonay se pehlay balai ka laip apnay chehray per karain. Iss say apki jild main qudrati nami paida hogi.
  • Anday ki sufaidi lay ker isko phaint lain aur phir iss mein aik chamach khalis shehed ka mila lain 15 minute tak iss paste ko chehry par laga rehnay dain phir neem garam pani say dho lain. Usky bad chehray per thanday pani kay cheentay daliye phir saaf toliye se khushk ker lain. Es aml se  chehray ki thakun khatum ho jati hai.
  • Kheeray aur shehed ka mask aap khud ghar par bhi tayyar kar sakti hain. Ye mask chehray ki jld ki tar o tazgi ko berkarar rakhnay mein mufeed sabit hota ha .
  • 30 saal ya iss say ziada umer ki khawateen kay liye 1 chammach multani mitti, 1 chammach lemoon ka arq aur anday ki sufedi ko phaint ker mehlol banaain. Phir roi ki madad say gardan aur chehray per lagain. Ankho kay gird na lgain. 10 minute kay baad thanday paani say moonh dho lain. Yeh chikni jild wali khawateen kay liye mufeed hai jin ki jild khushk ho woh yeh mask laganay kay bad neem garam pani say moonh dhoain.
  • Kafoor mein arq e gulab ka lagana bhi chikni jild waloon kay liye mufeed hai.
  • Jild ko khoobsoorat aur mulaaim bnanay kay liye ain chamach masoor ki daal aur aik chamach zaitoon ka tail lain aur masoor ki daal iss tail mein uss waqt tuk pakain jub tuk who laal ho jaye. Phir iss ko pees ker iss mein doodh shamil ker lain. Aur iss paste ko chehray per laga lain. A buss waqt chehray per laga rehnay dain jub tuk tanaao na paida ho. Phir rager ker utaar lain aur saaf paani say chehhra saaf ker lain. Teen din tuk yeh amal dohrain, apki jild naram o mulaim ho jaye gi aur chehray ki ronaq aur ranaai bahaal ho jaye gi.

Inn tamam gharailoo totkoon ka istemaal apki jild ko haseen aur pur ronaq bna sakta hai. Yaqeen na aye tou aazma ker daikh lain!

Categories :
Tags :

Comments are closed.

Translate »