Tips for Soft and Silky Hair in Urdu / Hindi – Narm Balon Ka Tarika

Sir kay baal Khuda ka diya wo attiya hain jo insaan ki zaahiri khoobsurti ko chaar chaand laga deta hai. Yehi wajah hai kay larkian din raat apnay baalon ki hifaazat mei lagi rehti hain aur apnay baalon ko naram aur mulayem bananay kay liye totkay talaash karti rehti hain. Baal insaani jism ka intahai naazuk hissa hain jo zara si bad’ehtiyaati say kharab ho jatay hain. Agar baalon ki sahi nasho’numa par dhayan na diya jaye tou iss say baalon ki sehat par bura asar parta hai.

Top Tips for Soft and Silky Hair:

Iss mazmoon mei baalon ko naram aur mulayem bananay kay chand totkay paish kiye ja rahay hain:

1)      Baaloon ki nash o numa kay liye sub say aham baat apki khooraak hai. Achi ghiza apkay balloon ki achi sehat kay liye intehaii zaroori hai. Layhaaza apni ghiza ka bohut khayaal rakhain. Apni khoraaak mein daalain, fruits, sabziyaan, gosht wagaira shamil karain.

2)      Apnay baalon kay liye behtreen shampoo ka intikhab karain. Aisa shampoo hargiz na istamaal karain jo aap kay baalon ki saakht ko nuksaan pohnchaye. Mager ghalairo totkoon ka istemaal intehai faida baksh hai.

3)      Shampoo kernay kay baad 2 andoon ki sufaidi lay ker baaloon mein lagain aur 10 say 15 minute tuk laga rehnay dain. Iskay baad neem garam paani say baal dho lain. Baal naram o mulaim ho jain gay.

4)      Baalon ko intahai garam paani say na dhoyain balkay neem garam paani say dhoain. Intahai garam paani baalon ki satah ko kharab kar deta hai.

5)      Jub aap baal dho lain tou apnay geelay baalon ko toliyay say aaram say saaf karain. Zor zor say baal saaf karnay say baalon ki jarain(roots) kamzor ho jati hain.

6)      Baal dhonay say kuch ghantay pehlay badaam ka tail lagain aur achi terha massage karain. Massage kernay say khoon ki rawani behter hoti hai aur bal mazboot hotay hain. Akser badaam kay tail ki maalish apkay baaloon ko narm o mulaaim bnati hai.

7)      2 anday lay ker inko zaitoon kay tail mein mix karain aura chi terha balloon mein lagain aur 20 say 25 minute kay baad sir dho lain. Ap kay bal rasham ki terha narm ho jain gay.

8)      Baaloon ko chamakdaar ya shiny bnanay k liye aloe vera gel ko shampoo kay sath mila ker baal dhonay say baal narm aur chamakdaar ho jatay hain.

9)      Baalon par bijli kay garam aalaat jaise straightening irons kum say kum istamaal karain.

10)   Aik anday mei dahi shaamil karain aur isay sur ki jild par 10 say 15 minute lagayen. Uss kay baad baalon ko dho lain. Iss say baal naram rahain gay aur tootain gay nahi.

11)   Haftay mei aik baar sur mei naariyal ya zaitoon kay tail ki maalish zaroor karain.

12)   Sarsoon ka tail, dahi aur leemooon mila ker sir per lagain aur aadhay ghantay baad dho lain. Baal khoobsorat aur chamakdaar ho jain gay.

13) Raat sonay se pehle olive oil se achi tarah balon ki jaron tak malish karen aur subah uth kar dho lain.

14) Balon ko soft aur silky bananay k liye hair dyes ka istemal kam karen

15) Rozana shampoo karna bhi balon k liye nuqsan de hai. Koshish karen ke balon ko haftay main 2 baar se ziada na dhoen.

16) Balon ki trimming baqadgee se karen.

17) Pani ki kami na honay den.

In tips aur totkon par amal kar kay apnay baalon ko naram aur mulayem banayen aur apni shakhsiyat ki khoobsoorti aur pur aitemaadi mein izaafa karain.

Categories :

Comments are closed.

Translate »