Tips in Urdu/ Hindi for Beautiful and Fresh Skin in Summer

Garmiyoon yani summer mein jild (skin) kay hawalay say sub say zaiyada  pareshan woh log nazar aaty hain jin ki chikni jild ho. Garmiyon mein aik to paseena ooper say chiknai unka bura haal kar dete hain. Gharailoo khawateen hoon ya job kernay wali khawateen(working women) garmi ka mausam sub kay liye mushkilaat ka bais bunta hai. Garmiyoon kay din sub hee kay liye masaail ka bais buntay hain. Garam dinoon mein chahay aap ko dhoop mein nikalna ho ya ghar per reh ker kaam kerna ho jild ki hifazat bay had zaroori hai. Garam dinoon mein chehray ko pur ronak aur taazgi barqaraar rakhnay kay liye khawaten aur mard hazraat dono ko chahiye kay jis had tuk mumkin ho garmi aur dhoop say bachain. Ager gharailoo aur azmooda tips aur totkoon ka istemaal karain.

Zail mein aisay he aazmooda aur asaan gharailoo totkay aur beauty tips darj hain jo garam dinoon mein apki jild ki tazgi (skin freshness) aur khoobsoorti (beauty) berqaraar rakhnay mein apki madad ker saktay hain:

Beauty Tips for Fresh Skin:

  • 1 chmach isipgol kay chilky ko pani main mix kar kay chehry paar lagain. 10 minute tak isay lag rahnay dain .Phir saaf thandy pani say achi terah monh dhoo lain.

Garmiyon mein dupehar ki sakht garmi kay wakt yeh mask apki jild ko na sirf thandak pohnchaye ga balkay her terah ki chiknai ko bhi door kar day ga.  Grmaiyon main iss mask ka rozana dupher ko istmal apki  jild ko tar o taazgi ka aik naya  ehsas day ga.

  • Garmaiyon yani summer main multani matti ka mask bhi bohat muffed sabit hota hai. Yeh her terah ki jild kay liye istemal kiya ja sakta hai.
  • Grmiyon yani summmer  main jild per nikhaar lanay kay liye ziada say ziada pholon ka istimaal karen q kay in main vitamn c paya jata hai. Phalon ko na sirf giza kay tor paar istmal kren balkay taza phalon ka mixture bhi chehry paar lagain. Es sy apki bay ronak jild main chamak kay sath sath kashish bhi paida ho jaye gi.
  • Garmiyon main apnay apko sooraj ki roshni say ziada say ziada bachainn. Kiyun kay insani jild bohat nazuk hoti hai aur  soraj ki garmi iss per bay hadd gahra aser hota hai aur jild jhulas kay reh jati hai. Aisay gharylo tootkay istmal krain jo muzhar asraat say pak hoon aur ap ki jild ko daimi hussn fraham krain.
  • Bohat zyada garmi say agar ap ki jild jhulas jay ya allergy ho jaye tu koi cream istemaal na karain. Balkay kaddo kay tukray kat kar chahray par masltay rahin. Jab us ka ras khatam ho jaye tu aik aur tukra lain aur phir yahi amal jari rakhain. Jild ko thandak pohanchay gi aur garmi kay asraat bhi jatay rahain gay.
  • Bahar nikalnay say pehlay sun block zaroor lagain aur wapis aa ker arq e gulab chirak ker tar o taza ho jain.
  • Taza phaloon ka juice peeain aur khanay mein bhi shamil karain iss say apki jild bhi tar o taza rehti hai.
  •  Aik chamach multani mitti, aik chamach lemon ka russ aur anday ki sufidi ko mila kar paste bana lain. Roi ki madad say chehray per lagaain phir 10 minute kay baad chehray ko thanday paani sy dho lain. Yah tootka chikni jild pay istemal kernay say khasa faida hota hai.
  • Fresh aur beautiful skin k liye yeh bhi zaroori hai k aap zaida miqdar main pani peyen, aur poori neend lain.

In asaan aur aazmooda totkoon per amal karain aur garam mausam mein tar o taza aur khoobsoorat nazer ain.

Comments are closed.

Translate »