Tips to Get Rid of Freckles– Chehray, Face Ki Chaiyan in Urdu/ Hindi

Chehray ki chaiyan  akser larkiyoon ya khawateen ka masla hai. Chaiyan qudarti tor par ya sooraj ki nuksan’deh kirnon kay bayes paida ho sakti hain. Iss kay ilawa akser khawateen mein bachay ki paidaish kay baad chaiyoon ki shikayat daikhi gai hai. Waisay tou yeh chehray ki jild ko koi nuksaan nahi pohnchatin aur na hi yeh kisi tarha muzr-e-sehat hain, iss kay bawajood aksar larkiyan in sayaah dhabbon ki wajah say pareshan nazar aati hain. Zahir si baat hai, kaun hai jo badnuma daag dhaboon ko pasand karay ga. Yeh dhabbay apki khoobsoorti ko mutasir kertay hain aur is kay sath sath apkay aitemaad mein kami aati hai. Inko make up say tou chupaya ja sakta ha imager her waqt make up kerna bhi mushily hai. Roz marrah ki routine mein khawateen bina make up ka sahara liye haseen nazer ana chahti hain. In tamaam larkion aur khawateen kay liye khush-khabri  hai kay chaiyon se chutkaara haasil karna bohat hi aasan hai. In say hamesha ki nijaat haasil karnay kay liye chand mo’assir ilaaj yeh hain:

Face (Chehre) Ki Chaiyan Khatam Karne K Liye Tips:

1)       Leemoo ka rus chaiyon ko khatam karne kay liye aik qudrati agent ka kaam karta hai. Chand taaza leemu’on ka rus aik bowl mei nikaal kar aik cotton bud ki madad say chaiyon par lagayen aur dus minute kay liye chor dain. Uss kay baad thanday paani say dho lain. Rozaana kay amal say chaiyan door ho jayen gi.

2)      Leemoo kay chilkon ko pees lain aur iss mei thora sa dhoodh shaamil kar lain. Roz raat mei sonay say pehlay chehray par laga lain. Yeh chaiyon kay sayah dhabbon ko halka kar day ga.

3)      Shehad aur baadaam ka mask in dhabbon ko hatanay aur khatam karne kay liye behtereen hai.

4)      Aik khanay kay chamach shehad mei aik chaaye ka chamach leemoo ka rus aur aadha chamach baadaam ka tail shaamil kar lain. In sub aj’zaa ko mila lain. Iss ko dus say pand’ra minute apnay chehray pay laga kar dho lain.

5)       Aik chaye ka chamach kheeray kay rus mei do chaye kay chamach paani milayen. Iss ko subah aur sham istamaal karain aur jild par laganay kay baad isay khushk honay dain. Yeh intahai mufeed nus’kha hai.

6)      Papeetay ka rus bhi chehre ki chaiyon ko khatam karnay kay liye bay’had mufeed hai. Isay bhi subah aur sham istamaal karain.

In tamaam tareeqon ko istamaal karnay say yakeeni taur par aap chaiyon se hamesha k liye nijaat haasil kar saktay hain. Bohut si creams aur lotions jo bazaar mein aam taur per miltay hain unkay bajaye in azmooda aur asaan totkoon per amal kerna bay had mufeed aur faida mand hai. Sub say achi baat yeh hai keh yeh totkay qudrati ajza per mushtamil honay ki wajha say nihayat faida mund hain.

Categories :

Comments are closed.

Translate »