Tips To Get Rid of Pimples in Urdu / Hindi – Keel Mahase Totkay

Jild par keel mahason ya pimples ka hona jild ko bay ronaq bana daita hai. Jo aap kay husn mein bigaar paida kernay ka sabab bantay hain. Keel mahason ka ilaaj kernay say pehlay apko yeh janna hoga kay apki jild pay maujood keel mahasay kis qism kay hain. Yeh garmi daanay hain, khushki ki wajha say hain, chiknai ki wajha say hain ya inki koi aur khas wajha hai. Es kay bad ap inn ka ilaaaj ker saktay hain. Agr kuch keel apki jild per garmi ki wajha say namodaar hoye hain tou apko darj zail nuskoon par aamal karna chahiye.

Tips to Get rid of Pimples:

  • Subah kay waqt nihaar moonh 1 thanda glass paani ka piyen. Ya phir nihar moonh lemon ka sharbat piyain. Aapko ziada mirch masalay aur tali hoi ashiya say perhaiz kerna chahiaye.
  • Chehry kay keel mahasay door kernay kay liye kali mirch ko bareek pees lain. Phir chehray per lagain. Usi wakat apky keel mahasay aur danay khatum ho jain gay. Ye amal takreban aik hafta tak jare rakhein.
  • Sangtaray aur lemon kay chilkaay sookhnay kay liye dhoop main rakh dain. Sookhnay per unko bareek pees lain. Rozana thoray pani main mila ker iska paste sirf chand din kay liye istamaal Karen. Iss amal kay bad apko apka chehra saaf aur shadab nazar aye ga. Ager apki jild per danay ziada nikltay hain tou apko chahiaye kay saib aur sangtry ka juice ziada se ziada istemal Karain.
  • Saib ka juice gandum kay aatay main mila ker laganay say bhi khushk jild pay nikalnay walay danay 15 dino mein khatam ho jain gay.
  • Danoon ko jald az jald khatam kerany ka hamaray paas aik aur asaan nuskha bhi hai. Jis main apko sirf aik khanay ka chamach shehed aur aik khanay ka chamach dahi ka amaiza bana kar rat kay wakt chehray per lagana hoga. Jis say subha kay wakt apkay keel mahasay aur danay kum ho jain gay.
  • Aagr ap dano say bachna chahtay hain tou kheeray ka russ 10 say 12 minute tak apnay chehray per laga kar dho lain. Danoon par din main 2 martba alovera lagana bhi jild kay liye mufeed hai.
  • Leemoon ka rus, hairaan kun taur per daanoon ki afzaish mein rukawat bunta hai. Iss mein maujood dilute acid bacteria ki nashonuma ko rokta hai. Aik leemoon ko kaat ker danoon per rager lain aur behtareen nataij hasil karain.
  •  Aik chamach shehed aur aik chamach pisi hoi daar cheeni ko mila ker danoon per lagain aur saari raat chehray per laga rehnay dain. Subah uth ker moonh dho lain. Daanay khatum ho jain gay.
  • Kachay doodh mein baisan mila ker chehra dhonay say acne aur pimples wali jild ko bohut faida hasil hota hai.
  • Anday ki sufaidi, lemoon ka rus aur rogan e baddam mila ker chehray per laganay say pimples aur daanay khatum ho jatay hain.
  • Ager apki jild per keel mahasay khushki ki wahja say hain tou aapko chahaiye kay sonay se phliye doodh ki balai chehry par lagain. Aur agr apki jild per keel mahasy chiknai ki wajha se nikly hain to phatkri ko raat bhar pani mein bhigo kar rakh lain. Aur din main lagatay rhain.

In aazmooda gharailoo totkoon aur tips say aap asaani say pimples aur daanoon say nijaat hasil ker saktay hain.

Categories :

Comments are closed.

Translate »