Urdu Beauty Tips for Hands (Hath) – Hathon ki Tips

Kisi bhi aurat ki umer ka andazaa us kay hathon yani hands say bakhoobi lagaya jaa skta hai. Ap apnay chehray ko makeup ki dabeez tahon mein chupa sktay hain lekin jab hathon ki skin ki baari aye tu koi aisa makeup ka formula abhi tak ijaad nahi hua jo un ki umer chupa lay. Tu phir kia kia jaye kay hathon ki jild (hands skin) say ap ki umer ka pata na chalay aur ap kay haath jawan lagain? Aksar khwateen yeh sawal karti hain aur kayi mahreen e aryaish say poochti hui nazar bhi ati hain. Agar ap bhi janana chahti hain kay ap kay hath ap kay chehray ki tarah jawan aur khoobsoorat lagay tu neechay batayi hui hands beauty tips jo k urdu main hain ko ghor se parhyei aur apnay hathon ki jild ko jawan rakhyei.

Beauty Tips for Hands:

  • Hathon ki jild ki ehtiat

Ap nay laataadaad martaba suna aur parha ho ga kay hath dhonay se bohut sey jaraseem khatam ho jatay hain aur insaan bohut sii beemaryion se bacha rehta hai. Bohut se log apnay hath aksar dhotay hain lekin agar ap ko hath dhonay ka sehi tareeqa maloom na ho tu ap kay hathon ki jild mutasir ho skti hai. Agar aap yeh jaan lain ka yap kay jild kayi tahon per mushtamil hai aur sab se ooper wali teh, jo kay murda khuliye hain, us se nichli teh mein zinda khulyie mojood hotay hain aur yeh khulyei teil kharij krtay hain jo jild ki bairooni satah ki hifazat krta hai. Isi wajah se insane ki jild mein jaraseem aur paani dakhil nahi ho skta. Bairooni jild ki satah nami ko bhi jazb karti hai aur jild ko khushki se bachati hai. Kayii khwateen bartan ya kapray dhotay huye mukhtalif kisam kay saban aur poweder istemal karti hain jis ki wajah se jild kay ooper ki the mein nami khatam ho jati hai. Issi liye mahir e jild khwateen ko mashwara detay hain kay who aisay sabun ka istemal krein jo un ki jild ko nuqsan pohunchaye baghair dhulai aur safai ka marhla bakhoobi anjaam day.

  • Hathon ki Jild ki nami bachanay ka tareeqa

Jild ki nami urnay se bachanay kay liye khwateen ko chahyei kay wo bohut garam paani ka istemaal na karein. Neem garam pani se bartan ya kapray dhoyein aur muasib yeh hai kay bartan ya kapray dhotay huye ya koi bhi aisa kaam jis mein pani aur sabun ka istemal naagazeer ho dastanay pehan lain.

  • Hathon ki hifazat

Apnay geelay hathon ko ragar ragar kar saaf mat krein balkay kisi tissue ya saaf towel ki maddad sey holay holay unhein khushk krein. Zayada ragarnay kay amal sey hathon ki jild ko nuqsaan pohunchta hai aur jild mein mojood tail ki the khatam ho jati.

  • Hathon kay mask aur creams:

Jab baat husn ki ho tu apnay hathon ki hifazat kay liye crème aur lotion ka istemal zaroor krein. Hamaehsa behtreen mayaar ki crème aur lotion ka istemal kijye. Ap ki bachat ap ki hathon ki kharab jild aur rangat sey zahir ho jaye gi lihaza iss mamlay mein her giz kanjoosi ka muzahira na karein. Yaad rakhayei hath ap ki shakhsyiat aur khoobsoorti barhanay mein bohut eham kirdar ada krtay hain tau phir in ka khial rakhna ap kay liye bayhad zaroori hai.

Categories :

Comments are closed.

Translate »