Face Makeup Tips in Urdu /Hindi

Makeup kerna her aurat ka haq hai kiyun kay her insane ko yeh haq hasil hai keh who sajj sanwar ker haseen nazer aiye. Khawateen mein makeup kay isstemaal ka rujhaan kuch ziada hai iss liye who makeup ka sahara lay ker apni dilkashi mein izafa kerti hain.

Aaj iss tehreer kay zariye hum aap kay sath makeup ki kuch bunyaadi tips share kernay ja rahay hain. Umeed hai aap in per amal ker kay faida uthaain gi. Khaas taur per who larkiyan jo makeup kay baray mein kuch bhi nahi janti inn tips per amal ker kay acha makeup kernay kay qabil ho jain gi.

Face Makeup Tips:

Zail mein chehray kay makeup kay hawalay say kuch bunyaadi tips darj ki jarahi hain:

  • Hamesha makeup kernay say pehlay chehra achi terha dho lain aur khushk ker lain
  • Ager jild khushk hai tou moisturizer lagain.
  • Chehray kay daag dhabbay ziada hoon tou concealer ki madad say unko chupain. Aankhoon kay gird halkay bhi concealer ki madad say chupaai ja saktya hain.
  • Iss kay baad foundation ya base lagain. Yaad rahay isska intekhaab bhi jild ki rangat kay hisaab say karain. Foundation ka maqsab sirf aur sirf chehray jild ko aik jaisa bnana hai. Iss liye bohut ziada foundation na lagain.
  • Foundation laganay kay baad face powder lagain.
  • Eye makeup kay liye libas aur waqt kay hisaab say rung ka intekhaab karain. Din kay waqt gehray rung lagana munasib nahi. Iss liye halkay aur neutral shades lagain aur linersay eye makeup ko mukammal karain.
  • Eye lash curler ki madad say palkoon ko curl karain. Behter tareeqa tou yeh hai keh eye lash curler ko 10 second tuk hair dryer say garam karain aur phir palkoon ko curl karain tou who ziada achay say curl hoti hain.
  • Eye lash curler na ho tou mascara lagain. Wate prof mascaa dair pa hota hai aur garmi kay mausam kay liye mauzoon tareen bhi
  • Blush on say cheheray ki khoobsoorti ko ubharain. Mager yaad rahay apnay chehray ki shape kay hisab say blush on lagain.
  • Isi brush say naak, thori(chin) wagaira ki contouring karain aur apnay chehray kay behtareen features ko ubharain.
  • Lip stick laganay say pehlay lip liner lagain. Iss terha say lipstick achi si lag jati hai aur phailti nahi hai.  Chahain tou lip gloss kaa istemaal ker kay lip color ko mazeeb khoobsoorat aur chamakdaar bnaain. Ager apkay hont khush hain tou unnper lip balm lagai. Iss terha who narm ho jain gay aur lipstick budnuma nahi lagay gi.
  • Aakhir mein aur nazer daallain kay apkay chehray ka koi hissa aia tou nahi jahan retouching ki zaroorat ho, ager aisa ho tou issko theek ker lain.
  • Makeup saaf kernay k liye hamesha achay brand ka cleanser lain. Chahain tou toner say bhi makeup saaf kiya jasakta hai.
  • Raat ko sonay say pehlay makeup saaf ker k sooain. Werna apki jild kharab ho jaye gi.

Umeed hai yeh tips apkay liye faida mund sabit hoon gi. Aur agli baar jub aap makeup karain gi tou yaqqeenan apko apna chehra pehlay say ziada haseen dikhaai day ga.

Categories :

Comments are closed.

Translate »