Party Makeup Tips in Urdu / Hindi

Khoobsoorat dikhaai daina her insaan ka bunyaadi haq hai. Chahay aurat ho ya mard, sub he haseen dikhayii dainay kay liye terha terha kay jatan kertay hain. Khawateen iss silsilay mein ziada tawajjah daiti hain. Unko sir say pair tuk haseen dikhaai daina hota hai iss liye woh terha terha ki tips aur totkay istemaal kerti nazer aati hain.

Akser aap nay suna ho ga keh khawateen kisi party, shadi ya dawat mein janay k liye ghantoon apni tayaari per surf kerti hain. Iss chtoay say article mein apko party makeup say mutaliq kuch zaroori tips aur totkay milain gay, jo apko kisi bhi taqreeb ki tayyari mein madad gar sabit hoon gay.

Party makeup aam taur per ya routine makeup say bohut mukhtalif hota hai. Akser auqat shaadi bayah ki taqareeb ya dawatain raat ko hoti hain iss liye raat ki munasibat say party makeup gehra aur chamakdaar hona chahiye.

Party Makeup Tips:

Prepare yourself:

Sub say pehlay tou apna libas, jootay, zewar aur makeup ka intekhaab kerna zaroori hota hai. Jub aap tamaam cheezoon ko aik jagha jama ker lain. Iss terha aap baasani apni look kay baray mein soch sakti hain.

Foundation:

Sub say pehlay base lagai jati hai iss say pehlay apna chehra aur haath achi terha dho lain aur khushk ker kay moisturizer laga lain. Iss kay baad base lagain. Base hamesha apni jild ki rangat k hisaab say lain aur daag dhabbay jaisa kay aankhoon kay gird halkay ya chaiyaan tou concealer k zariye inko chupa lain aur phir base laga ker chehray aur gardan ki tamam jild ko aik jaisa bna lain.

Garm mausam ho tou face powder llagain taa kay paseenay ki wajha say apka makeup kharab na ho.

EyeMakeup:

Aankhain chehra per sub say aham hissa hain aur unka acha sa makeup kerna bay hadd zaroori hai. Apnay libas ki munasibat say eye makeup karain. Apkay libas mein maujood kuch rungoon mein say koi rung lain aur aankhoon per lagain. Iss kay baad contrasting rungoon kay sath mila ker blending karain aur highlighter lagain.

Iss kay baad eye liner lagain. Aankhoon ki shape kay hisab say mota ya patla liner lagain aur mascara lain. iss kay baad eye brow brush say eye brows ki shape theek karain.

Blush On:

Blush on laganay say apkay chehray kay features numaya hotay hain. Apnay gaaloon per blush on lagain aur chehray ki khoobsoorti ko mazeed ubharain. Iss kay baad double chin chupanay kay liye blush on lagain aur contoring karain. Naak ki sakht ko khoobsoorat dikhaai dainay k liye contoring karain. Mager yaad rahay blending bohut zaroori hai.

Lipstick:

Hont apkay chehray ka bohut zaroori hissa hain. Raat ki taqreeb ho tou gehray rung ki lipstick ya lip gloss lagana bay had munasib hai. Libaz ka rung aur hoontoon ki sakht k hisaab say lip color ka intekhaab karain aur apnay makeup ko mukammal karain.

Makeup mukammal kernay kay baad apnay baalooon ka koi bhi munasib style bnain. Chahay tou khulay chor dain aur ager garam mausam ho tou baandh lain. Iss kay ilawa app apnay haathoon aur paoon kay nakhun per nail polish laga ker inki khoobsoorti mein izafa ker sakti hain.

Umeed hai yeh party makeup tips apkay liye kaar amad sabit hoon gi.

Categories :

Comments are closed.

Translate »