Quick Makeup Tips in Urdu / Hindi – Top Make up Tricks

Makeup kerna aik art samjha jata hai. Bohut si khawateen makeup ki maahir samjhi jati hain. Laikin bohut si khawateen acha makeup kerna nahi janti. Isi terha bohut si khawateen makeup kernay mein bohut waqt surf kerti hain. Jis ki wajha say who bohut say masaail ka shikar bhi ho jati hain kiyun kay who akser taqareeb mein late pohanchi hain aur pareshaan ho jati hain. Iss liye aaj hum aapkay sath nihayat asaan aur azzmooda  quck makeup tips share ker rahay hain taa kay asaani say jaldi make up karain aur waqt bachain aur pareshani say bachain.

Quick Makeup Tips:

  • Aap chahay job kerti hain, aik maan hain ya aik college/ university ki student hain, kaheen jana ho tou make up kerna aik lazmi amal hai. Subah subah office janay kay liye tayyar honay mein ziada waqt nahi lagna chahiye werna aap waqt per office nahi pohanch pain gi. Layhaza iss kay liye zaroori hai kay aap apni jild ki hifazat karain. Taa kay aap ki jild haseen aur khoobsoorat nazer aye. Rozana raat ko cleansing karain aur apni jild ki safai karain. Iss terha subah mein tayyar honay kay liye apko ziada waqt nahi lagay ga.
  • Cleansing kay baat moisturizer lagain aur so jain. Raat bher apki jild saf aur naram o mulaaim rahay gi.
  • Subah uther ker chehera dho lain aur  tar o taza ho jain.
  • Libas tabdeel karain aur hallka makeup karain.
  • Base ki halki the chehray per achi terha phaila lain. Ziada istemaal na karain aur phit face powder lagain. Iss say izafi base chup jaye gi aur paseena wagaira say chehra kharab nahi ho ga.
  • Ab halka say blush on lagain taa kay apka chehra khila khila nazer aye. Light color ka istemaal karain.
  • Aankhoon ko eye lash curler say curl karain, light sa eye liner lagain aur mazeed makeup na karain.
  • Lip gloss lagain aur isko apnay purse mein rakhain taa kay din mein aik do baar aap lip gloss ko fresh ker sakain. Lipstick lagay say behter hai k lip gloss lagain. Yeh ziada khushnuma nazer atay hain.
  • Baaloon kay liye, ager apkay baal rough hain tou baadh lain. Ager nahi tou koi bhi asaan style day lain. pony tail bna lain ya chahain tou khulay chor dain.

Iss tamam mein 5 say 10 minute lagtay hain. Sirf iss baat ka dayhaan rakhain kay apkay dressing table per tamam chezain maujood hoon. Aur raat ko thori si tayyari ker lainay say subah k waqt bohut sa waqt aap bacha sakti hain. Cleansing ki routine bnain, iss say bohut jald apki jild aur chehra saaf aur jild khushnuma lagnay lagti hai. Zara si mehnat aur tawajjeh apko bohut say fawaieed aur pareshaniyoon say bacha sakta hai. Waqt bachana achi baat hai, iss terha aap bohut say doosray kaam ker sakti hain. Ooper di gai quick makeup tips yaqeenan apkay liye madagaar sabit ho sakti hain. Inn per amal karain aur haseen aur pur kashish nazer ain.

Categories :

Comments are closed.

Translate »