Sagitarius Star in Urdu – Burj Qoas (Qos) Personality and Characteristics – برج قوس

Agar aap ne kisi Sagittarius yani qos mard ko apna shareke hayat kiya hay to app ko jan lena chaye ke is mard ko jhukane ke liye aap ko barhi hikmat-e-amlli se kaam lena pare ga. Kiune ke Sagittarius star se taluk rakhne wale mard aam tor par shadi karate hain wese majmui tor par yeh sagitarius mard bare khush ikhlaq, mehnti or sehatmand hote hain. In main zindagi ke raston par agey barhane ka hosla dosron ke mukable main kuch zyada hota hay or woo dosron ko bohot jald mutasir kar lene ki salahiyat bhi rakhte hain. In main dosti ka jazba bhi bohot zyada hota hay cheere par har waqt muskurahat si khilti nazar ati hay. Sagitarius ya qos mard achy baap sabit hote hain lakin bachon main dilchaspi is waqt lete hain jab woo palne se nikal kar apne pairon par chalne lagte hain.

Star Sagittarius yani burj qos ka hamil fard agarchy jazbati nahi ho sakta lakin is ki khush mazaji or hamdardana rawaiya dosron ko mutasir kiye bageir nahi rehta. Sagitarius yani qos mard kushada zehn or fraakh dil ke malik hote hain. Aap se mohabat ke doran woo is baat ko kabhi ehmiyat nahi de ga ke aap is ke alawa kisi or shaks main dilchaspi le rehien hain lakin shadi ke bad aap ki zat or aap ki tawajo is ke liye intehai ehm ho jaye gi. Lakin is ka yeh matlab hargiz nahi ke woo aap par kisi kisam ki pabandian ayed kare ga. Star sagitarius  ke zere asar peda hone wale afrad aap ki tarhan motaharik or tabdeli pasand hote hain. Wo dor daraz makamat par jana or safar karte rehna pasand karte hain. Sagitarius mard aam tor par choti choti baton ko nazar andaz kar deta hay.
Star Sagittarius ya burj qos ke zere asar paida hone wali aurat naik fitrat or masoom hoti hay. Is aurat main zimadari ka ehsas bhi kam hota hay. Badtareen halat main bhi in par mukamil bharosa kiya ja sakta hay. Star sagitarius yani burj qos aurat kinaparwar ya badkhawa nahi hoti, albata kabhi kabhar in ke bare main esa tasawur milta hay. Magar haqeeqat main woo is se bohot dor hoti hay. Star sagitarius yani burj qoas se taluk rakhne wali aurat is had tak sada loh hoti hay ke is ke muhn main jo kuch aata hay bilalehz keh guzarti hay. Is ke muhn se nikle hoye alfaz baaz okat nashtar ki tarhan dil ko cheer kar rakh dete hain lakin haqeeqat yeh hay ke ise sakht alfaz kehty hoye bhi is ke dil main kina nahi hota. Is muhn phat fitrat ke bayes woo aksar apne doston se mehrom ho jatein hain, aur baaz okat ap ke dost bhi ruth jate hain. Doosri taraf sagitarius aurat intehai mukhlis or diyanatdar hoti hay. Is ke khaloos diyanat or wafa par shubha nahi kiya ja sakta. Agar aap zara si kosish karein to is ki zaban darazi ki adapt par kaboo paya ja sakta hay. Sagittarius yani qos aurat ser-o-tafreh ki shokin hoti hay woo aik minute bhi chane se nahi beth sakti. Bachon ke tarhan uchal kud yaa apne aap ko kisi na kisi kaam main masroof rakhtein hain. Olad ke liye sagitarius yani qos aurat behterein rafeek-wa-ghamsar sabat hoti hay.

Categories :

Comments are closed.

Translate »