Virgo Star in Urdu – Burj Sumbla Personality and Characteristics – برج سنبلہ

Star virgo ya burj sumbla ke zere asar paida hone wali aurtain mard ke intekhab main bari muhtat hoti hain. Woh dosri aurton ki tarhan har shaks ke sath be takalaf nahi hotein. Virgo yani sumbla aurtain aik pursakoon or thande mazaj ki aurat hay or is ke khayal main romance main ehmakon ki koi gunjayesh nahin! Jis tarhan woo khud sanjeda hain is tarhan aap se bhi sanjedgi ki tawako rakhti hain. Rupay paise ke mamule main bhi woo bari muhtat hoti hain. Fazool khachi bhi is se bardasht nahi hoti. Aik baat or zehn naseen kar li jiye ke virgo aurat zarorat se zyada hassas hoti hay. Koi bhi mamuli baat is ke jazbaat ko thes muhncha sakti hay. Lakin agar aap kosish karein to is ki yah aadat khatam nahi to kam zaror ho sakti hay. Aagar kisi virgo yani sumbla aurat ne aap ko apna mehboob ya shareek-e-hayat kabool kar hi liya hay to yakeen ki jiye ke woo aap ko chahat de gi jis ka aap tasawer bhi nahi kar sakte. Virgo aurat ki yeh khasiyat hay ke ya to woo kisi se mohabat nahi karti or agar karti hay to ise duniya ki kisi bhi cheez ki parwa nahi hoti. Wo apne mehboob ko apni zindagi se zyada ezeez rakhti hay. Star virgo ke zere asar pedha hone wali aurat (woman) ke bare main aik or baat yaad rakein key eh mohobat ke mamule main bohot zyada deyanatdar hoti hay. Jab tak aap ke sath wabasta hay kisi dosre ka tasawar bhi dil main nahi laye gi. Lakin yeh bhi ho sakta hay ke aap ki taraf se inha se bharhe hoye rawaye se woo kisi notice ke bagair aap se aladghi bhi iktiyar kar sakti hay. Is liye aap ko is ke jazbat ka khyal rakhna parhe ga. Virgo yani sumbla aurat mohabat ke siwa aap se kuch bhi nahi chahti lakin jab aap is se wada karein to ise har hal main pura karein.

Kisi virgo yani sumbla mard ko chahane wali larki ko yeh baat zehan naseen rakhni chahye ke woo dosron ke samne is se izhare mohabat karne ya betakalaf hone ki kosish na kare. Kiunke wo jazbaat ke is muzhare ko pasand nahi karta, balke is ke khyal main yeh mamulat ghar ki char diwari ke ander hi mehdood rehne chaiyen. Aap ke bare main mukamal itmenan hasal kar lene ke bad woo app par is qadar mohabat nichawar kare ga ke aap apne aap ko khush kismet tasawur kare gi. Virgo mard ghar ke mamulat main aap se zyada dil chasbi le sakta hai. Saafai pasand itna ke ghar main farsh par koi tinka bhi nazar aa jaye to is ka mizaj bigar jata hay. Agar aap ise khush rakhna chahti hain too aap ko sab se zyada tawajah gharelo amoor par dena ho gi. Aap ke bache bhi saaf suthre hone chayen nahi to aap ko shuhar ki narazgi ka samna karma pare ga. Agar koi virgo mard aap ki taraf mael ho to samajh jayein ke woo ap ke husan se zyada aap ki zahanat se mutasir hoa hay.

Categories :

Comments are closed.

Translate »